Dastak !

Hr aankh Nam ho jati he ,

Hr dil ye ro padta he

N jaane kyu koi apnasa, durr hone lagta he ,

Jab koi khabar sarhad se , ghar dastak de jati he !!

N jaane kyu us maa ki , dhadkan ruk sii jati he

N jaane us behen ko , apni rakhii yadd aa jati he

Jab koi khabar sarhad se , ghar dastak de jati he !!

N jaane kyu khila sa Ye Sma , matam ban jaata he

N jaane kyu ye khushiya , gum me tabdil ho jati he

N jaane kyu khila aasma , kala sa pad jaata he

Jab koi khbar sarhad se , ghar dastak de jati he !!

N jaane kitne sapne , apno se pare ho jaate he

N jaane saare khwab, kyu pal me bikhar jaate he

N jaane kitno ki yaade , bas yaado me hi dhal jati he

Jab koi khbar sarhad se , ghar dastak de jati he !!

Kyu ghar ki deeware, ab sunii si lagti he,

Kyu suhagan ki maang, ab adhurii si lagti he,

Salam he har maa ko , Jo har gum sehh leti he

Shyad itni shakti , uss bhagawan me bhi na hoti he !!

Lo maan liya in jawaano ko, jo n jaan ki fikr Karte he,

Par maa ki yaad aane par , ye baccho jaisee rotee he,

Khushnasib he vo maa , jiska beta sarhad pe he

Par ye maa bhi kamjor ho jati he ,

Jab koi khbar sarhad se , ghar dastak de jati he !!